لاہور(سپورٹس رپورٹر+نمائندہ سپورٹس) نیشنل کرکٹ اکیڈمی میں چیئرمین پی سی بی نجم سیٹھی کی صدارت میں پی ایس ایل فرنچائز مالکان کا اجلاس ہوا جس میں تیسرے ایڈیشن کی کامیابی پر تفصیلی گفتگو ہوئی۔ اجلاس میں سپرلیگ کے چوتھے ایڈیشن پر بھی گفتگو کی گئی جس میں میچز کے پاکستان انعقاد کے ساتھ ساتھ یو اے ای کے ساتھ چلنے والے تنازعہ سمیت آئندہ سیزن کے ٹی وی رائٹس سمیت ٹائٹل سپانسرشپ پر بھی بات چیت کی گئی۔ پی سی بی کی جانب سے بدستور پی ایس ایل ٹو کی آڈٹ رپورٹ پر منظر عام پر نہیں لائی گئی جبکہ تیسرے ایڈیشن کے حوالے سے بھی اخراجات اور آمدن کا آڈٹ بھی تیار نہیں کیا جاسکا۔