لاہور(نمائندہ سپورٹس +سپورٹس رپورٹر) قومی کرکٹ ٹیم کے بائولنگ کوچ اظہر محمود نے کہا کہ محمد عامر امیدوں پر پورا نہیں اتر رہے جبکہ دورہ انگلینڈ میں فاسٹ باؤلر کو اپنی کاکردگی سے خود کو منوانا ہوگا۔ فاسٹ باؤلر مسلسل ٹیم کا حصہ ہیں لیکن وہ کارکردگی دکھانے سے قاصر ہیں جن کی ان سے امید کی جا رہی ہے۔ عامر جب سے ٹیم میں آیاہے اس کی کارکردگی متاثرکن نہیں ہے یہ صحیح ہے اس کی ٹیم میں واپسی 5سال بعد ہوئی تھی۔ اسے اب ذمے داری دکھاکر ٹیم کیلئے وکٹیں لینی ہوگی۔ اگر وہ ہماری طرف سے باؤلنگ اٹیک کا قائد ہے تو اسے اپنی کاکردگی دکھانی ہوگی اور مجھے یقین ہے کہ وہ ایساکرسکتاہے۔