پاکستان آگہی پروگرام: اساتذہ طلبہ کا دورہ ایوان کارکنان ‘تحریک پاکستان وایوان قائداعظم موبائل یونٹس کے مختلف تعلیمی اداروں میں لیکچر
لاہور(خصوصی رپورٹر)گورنمنٹ کمیونٹی ہائی سکول‘ مزنگ کے طلبااور اساتذہ نے نظریۂ پاکستان ٹرسٹ کے پاکستان آگہی پروگرام کے سلسلہ میں ایوانِ کارکنانِ تحریکِ پاکستان اور اسلامیہ ہائی سکول‘ نواز موڑ‘باگڑیاںکے طلباو طالبات اور اساتذۂ کرام نے ایوانِ قائداعظم‘ جوہر ٹائون‘ مطالعاتی دورہ کیا اور تحریک پاکستان کی تصویری گیلریز بھی دیکھیں۔ دریں اثناء موبائل نظریاتی تعلیمی یونٹس نے گورنمنٹ بوائز ہائی سکول‘ بابک والا‘ فیروزوالہ‘آئی ایس آئیڈیل سکول‘ بابک وال‘فیروزوالہ کا وزٹ کیا۔ تعلیمی اداروں میں مستفید ہونے والے اساتذہ اور طلبہ کی مجموعی تعداد225تھی۔
