لاہور (پ ر) دار ارقم سکولز پاکستان کے زیر اہتمام چلنے والے گورنمنٹ سکولز نے حالیہ امتحانات میں 100 فیصد کامیابی حاصل کرلی۔ یہ امتحانات پنجاب ایجوکیشن فائونڈیشن کے زیر اہتمام منعقد ہوئے تھے۔ اس ضمن میں دارارقم سکولز ہیڈ آفس میں تقریب سے خطاب میں چیف ایگزیکٹو وقاص انجم جعفری نے کہا کہ 100 فیصد نتائج بڑی کامیابی ہے۔ ہم اللہ کے بے حد شکرگزار اور دارارقم سکولز کے اساتذہ کی محنت کو سراہتے ہیں جنہوں نے اپنی بھرپورکوششوں سے نہ صرف اس چیلنج کو قبول کیا بلکہ اپنی محنت سے شاندار نتائج کو یقینی بنایا۔ وقاص انجم جعفری نے کہا کہ دارارقم انتظامیہ ان سکولوں میں بھی طلباء و طالبات میں نصابی سرگرمیوں کے ساتھ غیر نصابی سرگرمیوں پر بھی بھرپور توجہ دے گی۔