لاہور (نمائندہ سپورٹس +سپورٹس رپورٹر) سابق قومی فاسٹ باﺅلر محمد زاہد نے کہا ہے کہ پاکستان کا باﺅلنگ اٹیک انگلینڈ ٹیم سے اچھا ہے ۔ پاکستان کے پاس انگلش ٹیم سے زیادہ بہتر باﺅ لنگ اٹیک موجود ہے ۔ قومی ٹیم کو بائلنگ کی بجائے بیٹنگ کے شعبہ میں زیادہ مشکلات کا سامنا کرنا پڑے گا۔اس شعبے کی کارکردگی دراصل نتائج پر اثر انداز ہو گی ۔آئرلینڈ کے خلاف ٹیسٹ میچ میں کوئی بڑا چیلنج نظر نہیں آتا ہے ۔ میچ آسانی سے جیت لیا جائے گاکیونکہ ٹیسٹ کرکٹ مختصر فارمیٹ سے قدرے مختلف ہو تی ہے ۔ بڑی ٹیم کیلئے چھوٹے حریف کھیلنا دباﺅ کا باعث بنتا ہے کیونکہ چھوٹی ٹیم کے پاس کھونے کو کچھ نہیں ہوتا اور آئرلینڈ بھی ہوم کنڈیشنز میں کھیل رہی ہے ‘گرین شرٹس کا اصل امتحان انگلینڈ کے خلاف سیریز میں ہوگا۔