لاہور( لیڈی رپورٹر)تحریک انصاف ویمن ونگ ایگزیکٹو کونسل کی ممبر مسرت جمشید چیمہ نے کہا ہے کہ عمران خان کے مینار پاکستان پر تاریخی جلسے اور ملک و قوم کی تقدیر بدلنے کے حامل 11نکات سامنے آنے کے بعد حکمرانوں کو اپنا مستقبل تاریک نظر آرہا ہے ،(ن) لیگ سیاسی میدان میں مقابلے کی بجائے گزشتہ انتخابات کی طرح خاص ’’ووٹوں ‘‘کے ذریعے اقتدار میں آنا چاہتی ہے لیکن اس کے تمام ہتھکنڈوں کو ناکام بنا دیا جائے گا۔ 29اپریل کے جلسے کے بعد حکمرانوں اور انکے حواریوں کی صفوں میں ہلچل مچی ہوئی ہے۔ نواز شریف اور آصف زرداری ایک ہی سکے کے دو رخ ہیں۔،دونوں سیاسی میدان میں مقابلہ کرنے کی بجائے بھاگنے کی کوشش میں ہیں لیکن انہیں بھاگنے نہیں دیا جائے گا۔