شیخوپورہ (نمائندہ خصوصی) ڈسٹرکٹ ہاکی ایسوسی ایشن شیخوپورہ کے عہدیداروں کا آئندہ چار سال کیلئے چناﺅ بذریعہ انتخاب کرلیا گیا نئے منتخب عہدیداران میں صدر چودھری خالد محمود ورک، سینئر نائب صدر چودھری یاسراقبال گجر، نائب صدر منظور خالق سندھو ، جنرل سیکرٹری مبشر چوودھری ، خزانچی اسد الرحمن اور نمائندہ پنجاب اولمپین نوید عالم شامل ہیں ۔ 14 رجسٹرڈ کلبوں میں سے12 نے انتخا ب میںحصہ لیا۔
اور تمام امیدواروں کو بلامقابلہ منتخب کرلیا گیا ایگزیکٹو ممبران میں اسد ملک ،کرنل رﺅف احمد،سعید اقبال ،سیف الرحمن ،رانا اظہار ،شفیق مغل ،جاوید رحمن ڈوگر،رانا خالد ،حنیف خان اور محمد خالد شامل ہیں نومنتخب صدر ڈی ایچ اے چودھری خالد محمود ورک اور جنرل سیکرٹری مبشر چودھری نے کہاکہ پاکستان کے قومی کھیل ہاکی کو گراس روٹ لیول تک فعال بنانے کیلئے پی ایچ ایف کا کردار مثالی ہے اور جس صاف اورشفاف انداز میں سیکروٹنی کے بعد انتخاب میں نئے عہدیداروں کا چناﺅ کیا گیا ہے اس کی ماضی میں کوئی مثال نہیںملتی انہوںنے اس بات کا عہد کیا کہ وہ ہاکی پروموشن کیلئے تمام وسائل کو بروئے کار لاکر کام کرینگے اور نئے ٹیلنٹ کو آگے لانے کیلئے شہری ودیہی علاقوں میں ہاکی ٹورنامنٹس کا انعقاد کیا جائیگا ۔