گوجرخان + فیصل آباد (آئی این پی + نمائندہ خصوصی) راولپنڈی سے گجرات جاتی تیزرفتار ٹیوٹا ہائی ایس کی درخت سے ٹکر ، 2خواتین سمیت 3افراد موقع پر ہی جاں بحق، 18دوسرے شدید زخمی ہوگئے۔ تیز رفتار بے قابوٹیو ٹا ہائی ایس راولپنڈی سے گجرات جاتے ہوئے جی ٹی روڈ کنارے درخت سے ٹکرا جانے کے نتیجہ میں گجرا ت اور کھاریاں کی رہائشی 2خواتین سمیت 3افراد موقع پر ہی جاں بحق جبکہ 18دوسرے شدید زخمی ہوگئے،زخمیوں میں 6خواتین ،7مرد او ر 2بچے بھی شامل ہیں ۔7 زخمیوں کی حالت انتہائی تشویشناک بتائی جاتی ہے۔ علاوہ ازیں فیصل آباد میں ایکسپریس وے پر کار کھائی میں گرنے سے خاتون جاں بحق جبکہ ایک شخص زخمی ہو گیا۔