لاہور (نمائندہ سپورٹس) لیگ سپنر شاداب خان نے کہا ہے کہ ٹیسٹ کرکٹ میں اپنی صلاحیتیں منوانے کی پوری کوشش کروں گا ہم دورہ انگلینڈ میں عمدہ کارکردگی دکھانے کیلئے پرعزم ہیں۔سپنرز کے لیے کنڈیشنز زیادہ سازگار نہ ہونے کے باوجود اچھی لائن اور لینتھ پر بائولنگ کرتا رہا جس کی بدولت کامیاب رہا، لاہور میں کیمپ کے بعد یہاں آمد پر بھی نیٹ میں مسلسل محنت کا فائدہ بھی نظر آنے لگا ہے۔امید ہے آئرلینڈ اور انگلینڈ کیخلاف ٹیسٹ میچز میں بھی کارکردگی کا تسلسل برقرار رکھوں گا۔ یاسر شاہ نے پاکستان کو اپنی شاندار کارکردگی سے کئی میچ جتوائے ہیں جبکہ ان کی غیر موجودگی میں میری صلاحیتوں پر اعتماد کیا گیا ہے تو اس پر پورا اترنے کی بھرپور کوشش کروں گا۔