گجرات (نامہ نگار) پرنس چوک کا ساڑھے3 فٹ قد کا 24 سالہ شیخ محمد علی صبروال بالآخر اپنے قد کے برابر کی دلہن بیاہ لایا۔ چھوٹے قد کا دلہا شیخ محمد علی صبر وال چھوٹی کار میں دولہن کو بیاہنے کیلئے مقامی میرج ہال بارات لے کر پہنچا تو دولہن کے اہل و عیال نے پرتپاک استقبال کیا۔ دلہا محمد علی، دلہن نور فاطمہ کے ساتھ سیلفیاں بنائیں۔ دلہا کے دوستوں نے بھنگڑے ڈالے اور خوشی کا اظہار کیا۔ دلہن کی بہنوں نے دولہا کو دودھ بھی پلایا اور رسمیں کی گئیں۔ دلہا نے بات چیت کرتے کہا کہ میرے والدین نے ارینج میرج کرائی۔ میری خواہش تھی کہ میرے قد کے برابر ہی میری دلہن ہو اور اللہ تعالیٰ نے آج میری وہ خواہش پوری کر دی ہے۔ میں اللہ تعالیٰ کے حضور سربسجود ہیں اور اپنے دوست احباب، ساتھیوں اور لوگوں کو یہ پیغام دینا چاہتا ہوں کہ خدارا چھوٹے قد والے لوگوں کا مذاق نہ اڑایا کریں۔ بے شک ہم بھی انسان ہیں۔ ہمارا بھی دل ہے۔