لاہور (سٹاف رپورٹر) شہر میں ڈاکوئوں اور چوروں نے شہریوں کو لاکھوں روپے کی نقدی، زیورات و قیمتی سامان سے محروم کر دیا۔ ڈاکوئوں نے مصطفی آباد میں فرقان کے گھر میں اس کی فیملی سے1لاکھ 70ہزار کی نقد ی و زیورات، تھانہ نواب ٹائون میں اخترکے گھر سے 1لاکھ 30 ہزار روپے مالیت کی نقدی و موبائل فون، تھانہ ہنجروال کے علاقہ میں ندیم کی فیملی سے 50ہزار کی نقدی و موبائل، تھانہ سندر کے علاقہ میں نعمان کے گھر میں فیملی کو یرغمال بنا کر 4 لاکھ 50ہزار روپے کی نقدی و زیورات، تھانہ پرانی انارکلی کے علاقہ میں صداقت کے گھر سے 2 لاکھ 80 ہزار روپے کی نقدی و زیورات، تھانہ جنوبی چھائونی کے علاقہ میں بشیرکے گھر سے 1 لاکھ 80 ہزار مالیت کی نقدی و زیورات لوٹ لیا۔ باٹا پور میں سیف، فیکٹری ایریا میں انوار کی گاڑیاں اور نواب ٹائون میں نعیم، مغل پورہ میں نعیم، یکی گیٹ میں محسن، مزنگ میں ناصر اور نواب ٹائون میں جمیل کی موٹر سائیکلیں چوری کر لیں گئیں۔