شیخوپورہ، گجرات، فیصل آباد : ایف اے کی طالبہ سمیت 3 افراد کی خودکشی
شیخوپورہ، گجرات، فیصل آباد ( نامہ نگاران+نمائندہ خصوصی) گھریلو حالات سے دلبرداشتہ ایف اے کی طالبہ سمیت 3 افراد نے خودکشی کرلی۔ شیخوپورہ میں نارنگ منڈی کی رہائشی ایف اے کی طالبہ صبا شفیق کا گھر میں اکثر جھگڑا رہتا تھا جس سے دلبرداشتہ ہو کر اس نے گزشتہ روز تیزاب پی لیا جسے تشویشناک حالت میں میوہسپتال لاہور لایا گیا مگر وہ جانبر نہ ہوسکی۔ فیصل آباد میں 18 سالہ فضیلت نے گھر والوں سے معمولی جھگڑے پر زہر نگل لیا جبکہ گجرات میں نوجوان راجہ احسن نے غربت سے تنگ آکر خود کو گولی مار لی۔
