لاہور (نمائندہ سپورٹس +سپورٹس رپورٹر )سپین میں ہونے والے ماسٹر ہاکی ورلڈ کپ کے لیے کراچی میں ٹرائلز کا انعقاد، آئندہ ہفتے لاہور کے ویٹرن کھلاڑیوں کو بھی پرکھا جائے گا۔سپین میں ہونے والے ماسٹر ہاکی ورلڈ کپ میں شرکت کے لیے قومی ٹیم کے ٹرائلز شروع ہوگئے۔ کراچی میں دو روزہ ٹرائلز کے بعد لاہور میں بھی 40 سال سے بڑے کھلاڑیوں کا امتحان ہوگا۔پی ایچ ایف صدر بریگیڈئیر ریٹائرڈ سجاد کھوکھر اور سیکرٹری شہباز احمد کی خصوصی ہدایت پر اولمپئینز اور انٹرنیشنل کھلاڑی بھی ان ایکشن ہوں گے۔چیف سلیکٹر صلاح الدین کا کہنا ہے کہ میگا ایونٹ میں کامیابی حاصل کرنے کی کوشش کریں گے۔
یاد رہے کہ ماسٹر ہاکی ورلڈ کپ جولائی میں سپین میں کھیلا جائے گا۔