لاہور ( سپورٹس رپورٹر ) پاکستان سپر لیگ اور ویسٹ انڈیز سیریز کا کامیاب انعقاد پر آرمی چیف کی نجم سیٹھی کو شاباش دی، تعریفی خط میں کرکٹ بورڈ کو سراہا۔ آرمی چیف جنرل قمر جاوید باجوہ کی جانب سے پاکستان کرکٹ بورڈ کے سربراہ نجم سیٹھی کے نام تعریف خط میں کہا گیا ہے کہ ملک میں انٹرنیشنل کرکٹ کی واپسی کیلئے آپ کی خدمات قابل ستائش ہیں،سپر لیگ میچز اور ویسٹ انڈیز سیریز کا انعقاد سے پاکستان کے امیج پر مثبت اثرات پڑے ہیں اور دنیا میں پاکستان کی اچھی تصویر گئی۔ آرمی چیف نے خط میں لکھا کہ پاکستان آرمی امن، ملکی ترقی اور کھیلوں کے مقابلوں کیلئے بھرپور تعاون جاری رکھے گی۔ خط کے آخر میں کہا گیا کہ نجم سیٹھی کی حب الوطنی اور سیکورٹی انتظامات بارے دنیا کو مثبت پیغام دینے کا شکریہ ادا کرتے ہیں۔