لاہور (سپورٹس رپورٹر+نمائندہ سپورٹس) سپر کبڈی لیگ میں فیصل آباد شیر دل اور گجرات واریئرز کی ٹیموں نے فائنل کے لیے کوالیفائی کر لیا، چیمپئن کا فیصلہ آج ہوگا۔ پہلا سیمی فائنل فیصل آباد شیر دل اور ساہیوال بلز کی ٹیموں کے درمیان کھیلا گیا۔ فیصل آباد شیر دل نے اختتامی لمحات میں شاندار کھیل کا مظاہرہ کرتے ہوئے 24 کے مقابلے میں 33 پوائنٹس سے فتح حاصل کی۔ دوسرے سیمی فائنل میں گجرات واریئرز نے کشمیر جانباز کو 28 کے مقابلے میں 41پوائنٹس سے ہرایا۔ پہلے سیمی فائنل میں فیصل آباد شیر دل کے عابد مین آف دی میچ قرار پائے جبکہ دوسرے سیمی فائنل میں گجرات واریئرز کے بابا علی مین آف دی میچ قرار پائے بابا علی نے سپر کبڈی لیگ میں تیسرا مین آف دی میچ کا ایواڈ اپنے نام کیا۔