سیالکوٹ (نامہ نگار) صدارتی ایوارڈ یافتہ معروف آرٹسٹ و مصور اے زیڈ شمع رائو سیالکوٹ میں وفات پا گئے۔ نمازجنازہ کے بعد مرحوم کو مقامی قبرستان چاہ بگیاں والہ پورن نگر میں سپرد خاک کر دیا۔ اے زیڈ شمع رائو چاول کے دانہ پر کلمہ طیبہ، مور پنکھ پر تصاویر بنانے میں مہارت رکھتے تھے۔ انہوں نے سعودی عرب کے شاہ فیصل، نواز شریف ، امریکن صدور کلنٹن، ریگن اور کینیڈی کی تصاویر مور کے پنکھ پر بنائیں اور عالمی شخصیات نے مصوراے زیڈ شمع رائو کو اعزازات سے نوازا۔