اوکاڑہ (نامہ نگار) وزیراعلیٰ پنجاب میاں شہبازشریف کا دورہ اوکاڑہ ایک بار پھر ملتوی ہو گیا، وزیراعلیٰ نے جمعہ کے روز ڈسٹرکٹ ہسپتال اوکاڑہ میں نیو ایمرجنسی بلاک‘ سٹی سکین اور ہیپاٹائٹس سنٹر کا افتتاح کر نے کے علاوہ خاران کے مقام پر شہید ہونے والے اوکاڑہ کے چھ مزدوروں کے گھروں میں جاکر تعزیت کے ساتھ ساتھ چیک تقسیم کر نا تھے، وزیراعلیٰ کے خطاب کیلئے ضلعی انتظامیہ نے ہسپتال کے گرائونڈ میں پنڈال سجا دیا گیا تھا جبکہ تین ہیلی پیڈ بھی بنائے گئے، وزیراعلیٰ پنجاب میاں شہباز شریف کا اچانک دورہ اوکاڑہ ملتوی ہو گیا اور یہ دورہ تیسری بار ملتوی ہوا ہے۔