لاہور (سٹاف رپورٹر) شہر میں ڈاکوؤں اور چوروں نے شہریوں کو لاکھوں روپے مالیت کی نقدی، زیورات و قیمتی سامان سے محروم کر دیا معلوم ہوا ہے کہ ڈاکوؤں نے تھانہ سمن آباد کے علاقے میں ظہیر کے گھر سے 3 لاکھ 80 ہزار کی نقدی و زیورات، تھانہ شادمان کے علاقہ میں سرفراز کے گھر سے 2 لاکھ 80 ہزار روپے مالیت کی نقدی و زیورات، تھانہ نولکھا کے علاقہ میں ندیم کے گھر سے 2 لاکھ 60 ہزار مالیت کی نقدی و زیورات، تھانہ نواب ٹاؤن کے علاقہ میں فاروق کے گھر سے 2 لاکھ 60 ہزار روپے مالیت کی نقدی و زیورات، تھانہ باٹاپور کے علاقہ میں شہباز کی فیملی سے 75 ہزار کی نقدی و موبائل فون جبکہ شمالی چھاؤنی میں عارف، مصطفی آباد میں حمزہ سے گاڑیاں اور اکبری گیٹ میں عرفان، شاد باغ میں رشید، مسلم ٹاؤن میں اعجاز، ہڈیارہ میں طاہر اور مزنگ میں بلال کی موٹر سائیکلیں چوری کر لی گئیں۔