گوجرانوالہ (نمائندہ خصوصی) سی ٹی ڈی نے چھاپہ مار کارروائی کے دوران کالعدم تنظیم کے مبینہ دہشت گرد کو حراست میں لے کر اس کے قبضہ سے دھماکہ خیز مواد برآمد کرلیا۔ بتایا گیا ہے کہ سی ٹی ڈی کی ٹیم نے مخبر کی اطلاع پر کوٹ شاھاں کے قریب چھاپہ مار کارروائی کی۔ اس دوران انہوں نے کالعدم تنظیم سے تعلق رکھنے والے مبینہ دہشت گرد کو حراست میں لے کر اس کے قبضہ سے دھماکہ خیز مواد اور دیگر سامان برآمد کرلیا۔ ذرائع کا کہنا ہے کہ گرفتار ہونے والا دہشت گرد گوجرانوالہ کے حساس مقامات کو نشانہ بنانا چاہتا تھا۔