کراچی (کرائم رپورٹر) کراچی کے مختلف علاقوں میں فائرنگ کے واقعات میں ایک شخص ہلاک اور ایک زخمی ہو گیا۔ تفصیلات کے مطابق اسٹیل ٹائون کے علاقے سندھی گوٹھ میں مسلح افراد نے ایک شخص45 سالہ حضور بخش ولد رحمان سومرو کو فائرنگ کرکے ہلاک کر دیا اور فرار ہو گئے۔ پولیس کا کہنا ہے کہ قتل کی یہ واردات پرانی دشمنی کا نتیجہ ہے اور اس بارے میں تفتیش شروع کردی گئی ہے۔ ادھر گلستان جوہر کے بلاک سیون میں نامعلوم افراد کی فائرنگ سے ایک شخص35 سالہ ارشاد احمد ولد ظہور احمد زخمی ہو گیا۔