لاہور (پ ر) جامعہ اشرفیہ لاہور کے مہتمم حضرت مولانا حافظ فضل الرحیم اشرفی،نائب مہتمم قاری ارشد عبید، مولانا اکرم کاشمیری، پروفیسر مولانا یوسف خان، حافظ اسعد عبید، حافظ اجود عبید، مولانا عبدالرحیم چترالی، مولانا زبیر، حافظ خالد، مولانا سید فہیم الحسن تھانوی اور مولانا مجیب الرحمان انقلابی نے جامعہ اشرفیہ لاہور کے شیخ الحدیث مولانا صوفی سرور کی وفات پر اظہار تعزیت کرتے ہوئے کہا کہ مولانا صوفی سرورکی تمام زندگی درس و تدریس تحقیق و تصنیف، اصلاح نفس، تزکیہ و تربیت، اسلام کی خدمت اور دین کی اشاعت میں گزری۔، ان کی ایمان پرور اور قابل رشک زندگی ہم سب کے لئے مشعل راہ ہے۔ انہوں نے دعا کی کہ اللہ مرحوم کو جنت الفردوس میں اعلی مقام اور لواحقین کو صبر جمیل عطا فرمائے۔