شہزادہ محمدبن سلمان مکمل صحت یاب، معمول کے فرائض انجام دے رہے ہیں : سعودی ذرائع
اسلام آباد (آن لائن+نیٹ نیوز) سعودی عرب نے محمد بن سلمان کے جاں بحق یا زخمی ہونے والی خبروںکی تردید کردی۔ سعودی ذرائع کے مطابق سعودی ولی عہدشہزادہ محمد بن سلمان مکمل صحت یاب ہیں اور اپنے امور بطریق احسن سرانجام دے رہے ہیں۔ تفصیلات کے مطابق سعودی عرب نے شہزادہ محمد بن سلمان کے حوالے سے ایرانی اور روسی میڈیا پر شائع ہونے والی خبروں کی سختی سے تردید کرتے ہوئے کہا سعودی ولی عہد شہزاد ہ محمد بن سلمان صحت یاب ہیں اور انکی ہلاکت یا زخمی ہونے کی خبروں میں کوئی صداقت نہیں۔ سعودی ذرائع نے یہ بھی کہا سعودی ولی عہد اپنے معمول کے کام سرانجام دے رہے ہیں ۔ اس حوالے سے سعودی میڈیا نے شہزادہ محمد بن سلمان کی تازہ ترین تصاویر بھی جاری کردی ہیں۔سعودی جریدے کے مطابق ان تصاویر میں ولی عہد شہزادہ محمد بن سلمان ، مصر کے صدر ، بحرین کے شاہ اور یو اے ای کے ولی عہد موجود ہیں۔ اخبار میں شائع کیا گیا مصری صدر عبدالفتاح السیسی نے تینوں رہنماﺅں کو دعوت پر مدعو کیا تھا۔
سعودی ولی عہد
