لاہور (پ ر) البیراک ویسٹ مینجمنٹ کے زیرِ اہتمام نمازِ جمعہ سے قبل جامع مسجد عثمانیہ حنفیہ میں ہفتہ وار صفائی و آگاہی مہم کا انعقاد کی گیا۔ مجاہدآباد میں واقع جامع مسجد میں البیراک ٹیم نے خطیب سے ملاقات کی اور اپنے خطبہ جمعہ اور درس میں صفائی ستھرائی کو موضوع بنانے کی درخواست کی۔ مسجد کی انتظامیہ کو رمضان کیلنڈرز بھی تقسیم کئے گئے۔ بعدازاں البیراک ٹیم نے سنگھ پورہ رمضان بازار انتظامیہ، دکانداروں اور خریداروں میں شعور بیداری کیلئے صفائی و آگاہی سرگرمی کا اہتمام کیا۔دکانداروں، خریداروں اور راہگیروں میں رمضان کیلنڈرز تقسیم کئے گئے جبکہ دکانداروں سے کوڑا کرکٹ ٹھکانے لگانے کیلئے ویسٹ بیگز کا استعمال کرنے کی اپیل بھی کی گئی۔ مزید براں، البیراک سینٹری ورکرز نے سنگھ پورہ رمضان بازار میں صفائی آپریشن کے بعد چونے کا چھڑکائو کیا۔