فیصل آباد، میانوالی، نوشہرہ ورکاں (نمائندہ خصوصی+ نامہ نگاران) گھریلو حالات سے دلبرداشتہ دو خواتین سمیت 4 افراد نے خودکشی کرلی۔ نوشہرہ ورکاں کے محلہ رڑوالہ میں بیوی سے جھگڑوں پر دلبرداشتہ 30 سالہ نوجوان نے موت کو گلے لگا لیا۔ ملک اکبر کی شادی دوسال قبل فیصل آباد میں ہوئی مگر مبینہ طور پر ایک بااثر رشتہ دار نے گھر میں آناجاناقائم کرکے اسکی بیوی سے تعلقات قائم کرلئے ۔ اکبر نے اس رشتہ دار کو کئی مرتبہ منع بھی کیا لیکن باز نہ آنے پر اس نے دلبرداشتہ ہو کر زہر نگل کر زندگی ختم کرلی۔ فیصل آباد میں 18 سالہ آرزو اور سیموئیل مسیح نے گھر والوں سے جھگڑے پر گندم میں رکھنے والی زہریلی گولیاں نگل لیںجبکہ میانوالی میں 14سالہ لڑکی نے زہر نگل لیا۔