فیصل آباد: ڈاکوئوں نے 3 شہریوں کو لوٹ لیا‘ مزاحمت پر تشدد
فیصل آباد (نمائندہ خصوصی) مسلح ڈاکوؤں کے گروہ نے تین شہریوں کو لوٹ لیا۔ تفصیلات کے مطابق مکوآنہ گلی نمبر3 میں ندیم کریانہ سٹور سے دو موٹرسائیکل سوار مسلح ڈاکوئوں نے ندیم کو اسلحہ کے زور پر ہراساں کرتے ہوئے اس سے 60ہزار روپے چھین لئے۔ ماموں کانجن کے علاقہ میں موٹرسائیکل سوار دو مسلح افراد نے بابر سے پچاس ہزار روپے چھین لئے اور مزاحمت پر اسے تشدد کا نشانہ بنایا۔ ڈھڈی والا میں مسلح ڈاکوؤں نے گن پوائنٹ پر عمران سے موٹرسائیکل، دس لاکھ روپے کے دو چیک، موبائل فون چھین لئے اور فرار ہو گئے۔
