یمن سے حوثیوں کی طرف سے سعودی عرب پر فائر کیا گیا ایک اور میزائل راستے میں تباہ
صنعاء (نوائے وقت رپورٹ+نیٹ نیوز) سعودی علاقے پر یمن سے حوثی باغیوں کی طرف سے فائر کیا گیا ایک اور میزائل فورسز نے راستے میں مار گرایا کسی قسم کے مالی و جانی نقصان کی کوئی اطلاع نہیں ملی۔ یاد رہے حوثی مسلسل سعودی شہروں جازان‘ ریاض وغیرہ کو نشانہ بنا رہے ہیں۔ ان کا موقف ہے یمن جنگ بھڑکانے میں سعودی عرب اور اتحادیوں کا بڑا ہاتھ ہے اس لئے ہم سعودیہ میں اہداف کو نشانہ بناتے ہیں۔ سعودی عرب نے ڈیفنس میزائل سسٹم نصب کر رکھا ہے جس کے باعث کئی میزائل راستے میں گرائے جا چکے ہیں۔عرب میڈیا کے مطابق سعودی سکیورٹی فورسز نے خمیس مشیط کے قریب بیلسٹک میزائل کو فضا میں تباہ کر دیا۔
