اسلام آباد (نوائے وقت رپورٹ) سٹیٹ بنک کی طرف سے منی لانڈرنگ اور دہشت گردوں کی مالی معاونت روکنے کے معاملے پر منی ایکسچینج کمپنیز سے متعلق قوانین میں مزید سختی کر دی گئی۔ پانچ سو ڈالر یا زائد فارن کرنسی کی خرید و فروخت پر شناخت کو لازم قرار دیا۔ کمپیوٹرائزڈ شناختی کارڈ یا پاسپورٹ کی نقل حاصل کرنا ضروری ہو گا۔مرکزی بنک نے ایکسچینج کمپنیز مینول میں ترمیم کردی۔ ہدایت پر عمل نہ کرنے پر سخت کارروائی کی جائے گی۔