وہاڑی: خواتین ہاسٹل میں فائرنگ سے ایک لڑکی زخمی، ورثاء کا کارروائی سے انکار
وہاڑی(نامہ نگار) نواحی علاقہ لڈن میں گورنمنٹ ڈگری کالج برائے خواتین کے ہاسٹل میں فائرنگ سے ایک لڑکی زخمی ہوگئی۔ تشویشناک حالت میں ہسپتال منتقل، طالبات میں خوف و ہراس پھیل گیا، مقامی پولیس موقع پر نہ پہنچ سکی، ورثاء کا پولیس کارروائی سے انکار، ذرائع کے مطابق فائرنگ سے رخسانہ بی بی لڑکی شدید زخمی ہوگئی۔ تشویشناک حالت میں ہسپتال منتقل کردیا گیا فائرنگ کے بعد کالج کی طالبات میں شدید خوف وہراس پھیل چکا ہے تاہم چند میٹر کے فاصلہ پر موجود تھانہ لڈن کی پولیس تاحال بھی موقع پر نہ پہنچ سکی۔ بتایا جارہا ہے کہ فائرنگ کرنیوالے شخص کا نام سلمان بتایا جارہا ہے جس نے اپنی بھابھی پر فائرنگ کی تاہم وجہ ابھی سامنے نہیں آسکی۔
