اسلام آباد(آئی این پی) تحریک انصاف کے رہنما حامد خان ایڈووکیٹ نے کہا ہے کہ جہا نگیر ترین پارٹی کے لئے مشکلات پیدا نہ کریں ، خود ہی الگ ہو جائیں ، پارٹی بدلنے والوں کی سیاسی طور پر کوئی عزت نہیں کرتا ، جو مؤقف نوازشریف کیلئے ہے وہی اپنی پارٹی کیلئے اپنانا چاہیے ، جہانگیر ترین عمران خان کی آنکھ کا تارا نہیں ۔ نجی ٹی وی سے گفتگو کرتے ہوئے حامد خان نے کہا کہ سپریم کورٹ جسے نااہل قرار دے وہ پارٹی معاملات نہیں چلا سکتا ، شاہ محمود قریشی نے جہانگیر ترین پر کبھی اعتراض نہیں کیا۔ اگر کوئی وجہ ہے تو وہ جہانگیر ترین خود ہیں ۔