کراچی (صباح نیوز)کراچی میں دو دریا کے قریب بلڈنگ میں کام کرنے کے دوران لفٹ گر گئی جس کے نتیجے میں ایک شخص جاں بحق جبکہ تین افراد زخمی ہو گئے ۔ پولیس کے مطابق کراچی کے علاقے کلفٹن دو دریا میں زیرتعمیرعمارت میں لفٹ گرنے کا واقعہ ییش آیا جس کے نتیجے میں ایک مزدور جاں بحق جبکہ تین زخمی ہو گئے ۔حادثے میں مرنے والے مزدور کی شناخت ممتاز کے نام سے ہوئی ۔ زخمیوں میں رانا علی، رضا اور علی مرتضیٰ شامل ہیں جنہیں ہسپتال منتقل کر دیا گیا ہے۔جبکہ عمارت کے سکیورٹی گارڈز نے میڈیا نمائندگان کو عمارت کے اندر جانے سے روک دیا ۔