لاہور( خبر نگار) پیپلز پارٹی لاہور کے سنیئر نائب صدر محمد اشرف بھٹی نے کہا ہے کہ ماضی مین سابق وزرائے اعظموں کے خلاف سازشیں کرنے والے نواز شریف کو اب خیال آیا ہے کہ پاکستان مین وزیراعظم کو سازش کے تحت ہٹایا جاتا ہے حالانکہ وہ خود ماضی میں بے نظیر شہید کی منتخب حکومتوں کو گرانے کے لئے کھلے عام سازشیں کرتے رہے ہیں اگر ان کا ضمیر جاگ ہی گیا ہے تو وہ اپنے ماضی کے ان کاموں پر میڈیا پر آکر قوم سے بھی معافی مانگیں اور بے نظیر شہید کی روح سے بھی معافی مانگیں ۔انہوں نے کہا کہ کام کی بات ہمیشہ نواز شریف کو وقت گذر جانے کے بعد ہی یاد آتی ہے۔