بہو سے غیر اخلاقی حرکتوں سے منع کرنے پر سنگدل چچا کا بھتیجی پر تشدد، واقعہ کی رپورٹ درج
ڈی جی خان (نوائے وقت رپورٹ) ڈیرہ غازی خان میں چچا جلاد بن گیا، بہو سے غیر اخلاقی حرکتوں سے منع کرنے پر سنگدل چچا نے نوجوان بھتیجی کو تشدد کا نشانہ بنایا۔ نجی ٹی وی کے مطابق چچا نے بھتیجی کے گلے میں رومال ڈال کر اور بالوں سے پکڑ کر گھسیٹا۔ اس دوران لڑکی کا باپ خاموش تماشائی بنا رہا چھڑانے کیلئے نہیں آیا۔ واقعہ دراہمہ کے علاقے میں پیش آیا۔ ظلم کا شکار لڑکی نے الزام لگایا کہامیرا والد بھابھی پر بری نظر رکھتا ہے، منع کرنے پر مجھے چچا نے مارا۔ پولیس نے واقعہ کی رپورٹ درج کرکے تحقیقات شروع کردی اورچچا کی گرفتاری کیلئے چھاپے مارے جارہے ہیں۔
