حیدرآباد(آن لائن)صوبہ سندھ کے دوسرے بڑے شہر حیدرآباد میں سحرش نگر کے علاقے میں ریلوے ٹریک پر 2 دھماکے ہوئے، جس کے نتیجے میں اَپ اور ڈاؤن ٹریک پر گڑھے پڑ گئے۔بم ڈسپوزل اسکواڈ کے اہلکار متاثرہ ٹریک کی سرچنگ کررہے ہیں۔پولیس کے مطابق سحرش نگر ریلوے ٹریک پر دو دھماکے ہوئے، دھماکوں کے بعد پولیس اور رینجرز کی بھاری نفری جائے وقوع پر پہنچ گئی۔دوسری جانب بم ڈسپوزل اسکواڈ کو بھی طلب کیا گیا، جس نے ٹریک کی سرچنگ کا کام شروع کیا۔بعدازاں بم ڈسپوزل اسکواڈ کی جانب سے ریلوے ٹریک کو کلیئر قرار دے دیا گیا، جس کے بعد ریلوے ٹریفک بحال کردی گئی۔