گوجر خان: 10 سالہ بچی سے فحش حرکات کرتے گھسیٹ کر ساتھ لے جانے کی کوشش ناکام
گوجرخان (آن لائن) سرِراہ 10سالہ بچی کیساتھ فحش حرکات کرتے ہوئے گھسیٹ کر زبردستی ساتھ لے جانے کی کوشش ناکام، تحصیل ہیڈکوارٹرز ہسپتال سے بچی کے میڈیکل ٹیسٹ کے ساتھ ساتھ پولیس نے بروقت دوڑ دھوپ کر کے بڑکی جدید کا رہائشی ملزم باسط دھر لیا، گوجرخان پریس کلب کے مطابق تھانہ گوجرخان میں بچی کے والد ٹھیکیداراللہ دتہ خان کی طرف سے مقدمہ درج کر لیا گیا ہے ،مدعی کے مطابق وہ اپنے بیٹے کو چیک اپ کے لئے ایک نجی ہسپتال میں لے کر گیاتھا، واپس لوٹنے پر اسکی بیٹی نے اس وقوعہ بارے بتایا، بچی کے والد کے مطابق ملزم اپنی قبیح حرکات کرتے ہوئے بچی کوساتھ گھسیٹ کر لی جانے کوشش کر رہا تھا کہ اس دوران اچانک ایک موٹرسائیکل سوار سامنے آجانے پر بچی جان چھڑانے میں کامیاب ہو گئی۔ ملزم بھی راہ فراراختیار کر گیا، پولیس نے بچی،اسکے والد کے بیان اورTHQہسپتال گوجرخان سے بچی کے میڈیکل ٹیسٹ کی روشنی میں نہ صرف مقدمہ درج کر لیا بلکہ پولیس نے کمال پُھرتی دکھاتے ہوئے اسے گرفتا ر کرلیا۔
