شیخوپورہ (نمائندہ خصوصی) مسلم لیگ ن کے رہنماء انجمن تا جران پرانا اڈا لا ریاں کے صدر قدیر قذافی بھٹی ،صدر حبیب الرحمان انصاری اور جنرل سیکرٹری عبدالحمیدشیخ نے کہاہے کہ میاں جاوید لطیف ایم این اے نے شیخوپورہ شہر میں ترقیاتی کاموں کا جال بچھادیا ہے ان ترقیاتی کاموں سے شیخوپورہ شہر ماڈل سٹی کی شکل اختیار کرنے کے ساتھ ساتھ شہر کی خوبصورتی میں اضافہ ہوا ہے ان خیالات کااظہار ان رہنمائوںنے نوائے وقت سے خصوصی گفتگو کرتے ہوئے کیا ن لیگ کے رہنمائوں کا کہنا ہے کہ شیخوپورہ میں اتنی ترقی کسی دورہ حکومت میں نہیں ہوئی جتنی مسلم لیگ ن کے دو رمیں ہوئی ہے میاں جاوید لطیف نے لاہور روڈ کو کشادہ کرکے گرین بیلٹ بنائی اور اس روڈ کو سنگنل فری بنایا ہے اس کے علاوہ شیخوپورہ میں پیر بہار شاہ گرلز کالج کو نہ صرف تعمیر کروایابلکہ اس میں دو سال سے کلاسز کا آغاز کیا گیا ہے۔ 2018کے انتخابات میں شیخوپورہ کے عوام جاوید لطیف کو کامیاب کرواکر ترقی کے سفر کو جاری رکھیں گے ۔