یمن، حوثیوں سے لڑائی، 2 سعودی فوجی جاں بحق، میزائل حملہ، 4 افراد مارے گئے
صنعا(آئی این پی + اے ایف پی) یمنی دارالحکومت صنعا میں فضائی حملے میں خاتون سمیت چار افراد جاں بحق ، گیارہ افراد زخمی ہوگئے جبکہ یمن میں حوثی باغیوں سے لڑائی میں 2 سعودی فوجی جاں بحق ہوگئے۔ عرب میڈیا کے مطابق طبی ذرائع کے مطابق میزائل ایک پیٹرول سٹیشن پر جا لگا ور اس کے نتیجے میں ہونے والے دھماکے میں ہلاکتوں کے علاوہ گیارہ افراد زخمی بھی ہوئے۔ صنعا میں یہ حملہ ہفتے اور اتوار کی درمیانی شب کیا گیا۔ فی الحال یہ واضح نہیں کہ حملہ کس نے کیا ہے ،انکوائری شروع کر دی گئی ۔
