لاہور (سٹاف رپورٹر) نیب کی خصوصی ٹیم نے جیل روڈ پر چھاپہ مار کر شو روم سے احد چیمہ کی چھپائی گئی تقریبا ایک کروڑ 45 لاکھ کی نقدی اور پراڈو گاڑی برآمد کر لی نیب نے احد چیمہ کے لیپ ٹاپ سے ڈلیٹ کی گئی تمام ای میلز کا ڈیٹا حاصل کر لیا ہے اورمزید چھاپوں کا امکان ہے جبکہ احد چیمہ اور ان کے اہل خانہ کی جائیدادئوں کی تفصیلات معلوم کرنے کے لئے ایڈیشنل کلکٹر کینٹ کو بھی خط لکھا گیا ہے معلوم ہوا ہے کہ نیب کی جانب سے احد چیمہ سے متعلق کیس میں بڑی پیش رفت سامنے آئی ہے نیب کی خصوصی ٹیم نے گذشتہ روز جیل روڈ پر شو روم پر چھاپہ مارا ہے اور احمد چیمہ کی ملکیتی گاڑی پراڈو کو قبضہ میں لے لیا ہے احد چیمہ کی اس گاڑی کی قیمت 1کروڑ 10لاکھ روپے بتائی گئی ہے جبکہ نیب نے مزید بتایا ہے کہ شو روم میں احد چیمہ کی موجود رقم 1کڑوڑ 45لاکھ روپے قبضہ میں لے لی گئی ہے تمام رقم کیش کی صورت میں تھی۔