پیپلزپارٹی سیکرٹریٹ میں گوجرانوالہ، فیصل آباد اور لاہور ڈویژن کے امیدواروں کے انٹرویوز
لاہور (خبر نگار) پیپلز پارٹی سنٹرل پنجاب سیکرٹریٹ میں پارلیمانی بورڈ نے گوجرانوالہ ڈویڑن، فیصل آباد ڈویزن اور لاہور ڈویڑن رورل کے امیدواروں کے انٹرویوز لیے۔ پارلیمانی بورڈ کے ارکان میں قمر زمان کائرہ ،چوہدری منظور احمد، اعتزاز احسن. راجہ پرویز اشرف اور ثمینہ خالدگھرکی شامل ہیں۔ گوجرانوالہ ڈویژن سے40 امیدواروں نے قومی اسمبلی کیلئے ٹکٹس کے درخواستیں جمع کروائیں جبکہ 100 امید واروں نے پنجاب اسمبلی کے لیے درخواستیں جمع کروائیںجبکہ فیصل آباد ڈویڑن سے 25 امیدواروں.نے قومی اسمبلی کیلئے ٹکٹس کے درخواستیں جمع کروائیں جبکہ 45امید واروں نے پنجاب اسمبلی کے لیے درخواستیں جمع کروائیں۔دریں اثنا لاہو ر رورل ڈویڑن سے 30امیدواروں نے قومی اسمبلی کیلئے ٹکٹس کے درخواستیں جمع کروائیں جبکہ 75 امید واروں نے پنجاب اسمبلی کے لیے درخواستیں جمع کروائیں۔ پیپلزپارٹی کا پارلیمانی بورڈ کل راولپنڈی، سرگودھا اور ساہیوال ڈویژن کے امیدواروں سے انٹرویو ز کرے گا۔
