لندن (سپورٹس ڈیسک ) ویسٹ انڈیز نے ورلڈ الیون کو چیرٹی میچ میں72رنز سے شکست دیدی۔ ورلڈ الیون کے کپتان شاہد آفریدی نے ٹاس جیت کر فیلڈنگ کا فیصلہ کیا جو مہنگا ثابت ہو ا۔ کالی آندھی نے 4وکٹوں کے نقصان پر199رنز بنائے ۔کرس گیل اٹھائیس گیندوں پر اٹھارہ ‘لیوس نے چھبیس گیندوں پر اٹھاون ‘آندرے فلیچر سات ‘مارلون سیموئلز بائیس گیندوں پر تینتالیس رنز بناکر آﺅٹ ہوئے ۔ دنیش رامدین پچیس گیندوں پر چوالیس ‘آندرے رسل دس گیندوں پر اکیس رنز بناکر ناٹ آﺅٹ رہے ۔ راشد خان نے دو ‘شعیب ملک اور شاہد آفریدی نے ایک ایک وکٹ حاصل کی ۔ 200رنز کے تعاقب میں ورلڈ الیون کا آغاز تباہ کن تھا ‘8کے مجموعی سکور پر 4کھلاڑی پویلین لوٹ گئے ۔تمیم اقبال دو ‘لیوک رانکی صفر ‘سیم بلنگزچار ‘دنیش کارتھک صفر پر آﺅٹ ہوئے ۔ شعیب ملک بارہ ‘کپتان شاہد آفریدی گیارہ ‘تھسارا پریرا اکسٹھ ‘راشد خان نو‘میکلینی گھن نو رنز بناکر آﺅٹ ہوئے‘لامی چانے چار رنز پر ناٹ آﺅٹ رہے ‘ملز ان فٹ ہونے کی وجہ سے بیٹنگ کیلئے نہ آسکے ۔ ورلڈ الیون 127رنز بناسکی ۔ولیمز نے تین ‘سیموئل بدری ‘آندرے رسل نے دو دو ‘پاول اور کارلوس براتھا ویٹ نے ایک ایک کھلاڑی کو آﺅٹ کیا ۔لیوس کو میچ کا بہترین کھلاڑی قرار دیا گیا ۔