کراچی (نوائے وقت رپورٹ) سندھ میں ٹکٹوں کی تقسیم پر پیپلز پارٹی میں اختلافات کھل کر سامنے آ گئے۔ متعدد پیپلز پارٹی رہنما ٹکٹ نہ ملنے پر نالاں ہیں۔ مخدوم جمیل الزمان اور مہر سردار پارٹی قیادت سے نالاں ہیں۔ ملک اسد سکندر جامشورو میں اپنا گروپ لانے پر بضد ہیں۔ بدین میں کمال چانگ‘ علی نواز چانڈیو اور پپو شاہ ناراض ہیں میرپور خاص میں علی نواز شاہ نے اپنا گروپ بنا لیا۔ حیدر آباد میں پیپلز پارٹی 4 حصوں میں تقسیم ہو گئی۔ لیاری میں نبیل گبول کی مخالفت میں شاہ جہان بلوچ نے اپنا گروپ بنا لیا۔