سیالکوٹ+ فیصل آباد (نامہ نگاران+ نمائندہ خصوصی)سیالکوٹ کے تھانہ بیگووالہ کے علاقہ رندھیر باگڑیاں کے چار دوست 20سالہ محمد حسن ولد کالے شاہ، 18سالہ محمد نعیم ولد محمد اشرف، 17سالہ نیامت علی ولد محمد فاروق اور 18سالہ ثاقب علی ولد ڈاکٹر نواز دریائے چناب رندھیر پوائنٹ پر نہارہے تھے اچانک گہرے پانی میں چلے گئے اور تیز لہروں کی نذر ہوکر ڈوب گئے۔ خبر پہنچنے پر گائوں میں کہرام مچ گیا۔ تاحال کوئی نعش نہیں مل سکی جبکہ ریسکیو 1122 کا عملہ نعشوں کی تلاش کے لیے مصروف عمل ہے۔ فیصل آباد میں کینال روڈ ایڈن ویلی کا رہائشی 26سالہ عمران ایڈن ویلی کے سوئمنگ پول میں نہا رہا تھا کہ آٹھ فٹ کے قریب گہرے پانی میں تیراکی کرتے اچانک ڈوب گیا جسے تشویشناک حالت میں سول ہسپتال لے جایا گیا جہاں طبی امداد ملنے سے پہلے یہ نوجوان زندگی کی بازی ہار گیا۔ ہسپتال انتظامیہ نے ضروری کارروائی کے بعد نعش ورثا کے حوالے کر دی۔