طائف(آن لائن) سعودی عرب کے شہر طائف میں واقع فوجی مرکز پر 2 مسلح افراد نے حملہ کر دیا، جس کے نتیجے میں ایک ٹریفک پولیس اہلکار جاں بحق جبکہ متعدد سکیورٹی اہلکار زخمی ہوگئے ہیں۔ فائرنگ کے تبادلے میں ایک حملہ آور کو زخمی حالت میں گرفتار کر لیا گیا جبکہ دوسرا فرار ہونے میں کامیاب ہوگیا۔ سعودی نشریاتی ادارے کے مطابق مشرقی شہر طائف میں ایک فوجی مرکز پر دو مسلح افراد نے حملہ کر دیا۔، جس کے نتیجے میں ایک اہلکار جاں بحق اور متعدد زخمی ہو گئے۔ سکیورٹی فورسز کی بروقت کارروائی کے نتیجے میں ایک حملہ آور کو زخمی حالت میں گرفتار کر لیا گیا جبکہ دوسرا جائے وقوعہ سے فرار ہونے میں کامیاب ہو گیا ہے۔ واقعے کے بعد سکیورٹی فورسز کی بھاری تعداد نے علاقے کو گھیرے میں لے لیا اور سرچ آپریشن شروع کر دیا، حملہ آوروں نے حملے کیلئے ٹریفک اہلکار کو جاں بحق کرکے اس کی کار اور اسلحہ چھینا۔