اسلام آباد(آئی این پی )نیو اسلام آباد ایئرپورٹ پر تعینات اے ایس ایف اہلکاروں نے بیرون ملک منشیات سمگلنگ کی کوشش ناکام بناتے ہوئے سوا کلو گرام سے زائد آئس ہیروئن برآمد کر کے ماں اور بیٹے کو گرفتار کرلیا۔ پیر کو نیو اسلام آباد ایئرپورٹ پر تعینات اے ایس ایف اہلکاروں نے نجی ایئر لائن کی پرواز کے ذریعے مسقط جانے والی خاتون شبنم ریاض اور اس کے بیٹے اربکان کے سامان سے سوا کلو گرام سے زائد آئس ہیروئن برآمد کرلی۔ ایئرپورٹ سکیورٹی فورس کے اہلکاروں کا کہنا ہے کہ مسافر خاتون نے ہیروئن کپڑوں کی پیکنگ میں چھپا رکھی تھی، خاتون کو گرفتار کرکے مقدمہ درج کرلیا گیا ہے۔