ساہیوال(نمائندہ نوائے وقت) نواحی چک 132/9.Lکے قریب نہر 9ایل میں تیز رفتار مو ٹرسائیکل جا گری دو نوجوان ڈوب گئے ۔ایک نوجوان سیشن کورٹ ساہیوال کا ریڈر جمال عبد الناصر جاں بحق جبکہ قاسم علی کو زندہ نکا ل لیا گیا ۔ چک 57/5.Lرانا بر خودار کا بیٹا جمال عبد الناصرا وراس کا دوست قاسم افطاری کے لئے سوموار کی شام کو چک 131/9.Lگئے جب رات کو واپسی مو ٹر سائیکل پر نہر 9ایل کے کنارے آرہے تھے کہ تیز رفتاری کے سبب مو ٹر سائیکل نہر میں جا گری۔دیہاتیوں نے جما ل عبد النا صر کی لاش نکال لی اور قاسم علی کو بچا لیا۔