پنجاب کانسٹیبلری سے واپسی پر اہلکاروں کی تھانوں میں تعیناتی سے صورتحال بہتر ہو جائے گی:سی پی او
گوجرانوالہ (نمائندہ خصوصی) سٹی پولیس آفیسر اشفاق خان نے پنجاب کنسٹیبلری میں ڈیپوٹیشن پر گئے ڈیڑھ سو پولیس جوانوں کی واپسی پر انہیں ضلع بھر کے مختلف تھانہ جات میں تقسیم کر تے ہوئے کہا ہے کہ اتنی تعداد میں پولیس جوانوں کی تھانہ روانگی سے ناکہ بندی او گشت میں آسانی پیدا ہو گی ۔ان خیالات کا اظہار انہوں نے گزشتہ روز اپنے آفس میں پولیس جوانوں کو بریف کرتے ہوئے کیا۔ انہوں نے کہا کہ جوانوں کی مختلف تھانہ جات میں روانگی ان کی چائس کے مطابق کی گئی۔ پولیس جوانوں کو بریف کرتے ہوئے سٹی پولیس آفیسر اشفاق خان نے ’ٹیلنٹ ہنٹ پروگرام‘‘ کے تحت مختلف امور میں مہارت رکھنے والے پولیس جوانوں سے سوال جواب کئے۔
