ائرچیف مارشل آسٹریلیا کا دورہ واہگہ بارڈر، میجر جنرل اظہر نوید نے استقبال کیا
لاہور (خبر نگار) آسٹریلیا کے ائرچیف مارشل ایم ڈی بنسکن نے گزشتہ روز واہگہ بارڈر کا دورہ کیا۔ میجر جنرل اظہر نوید حیات خان اور دیگر رینجرز افسران نے واہگہ بارڈر پر ائرچیف مارشل کا استقبال کیا۔ معزز مہمان کو ریینجرز کی ذمہ داریوں اور سرحدی کردار کے حوالے سے بریفنگ دی گئی۔ انہیں واہگہ کی سرحد پر جنوبی ایشیا کے بلند ترین فلیگ پول کے بارے بھی بتایا اور دکھایا گیا۔ ائرچیف مارشل کو بھارت کی سرحد پر لگی خاردار باڑ کے بارے بھی بتایا گیا۔ ائرچیف مارشل نے رینجرز کی پیشہ ورانہ کارکردگی کو سراہا۔
