الپوری (اے این این) شانگلہ ڈھیری میں ٹریفک حادثہ، تین افراد جاں بحق، چار شدید زخمی ہوگئے، زخمیوں میں سے ایک کی حالت تشویشناک۔ ایک خاتون بھی شامل ہے۔ جیپ میں سوار تمام افراد کا تعلق ایک ہی خاندان سے ہے۔ علاقے میں فضاء سوگوار۔ زخمیوں کو ڈسٹرکٹ ہیڈ کوارٹر الپوری ہسپتال میں فرسٹ ایڈ کے بعد سیدو شریف منتقل کردیا گیا۔ تفصیلات کے مطابق جمعرات کے روز شانگلہ کے یونین کونسل ڈھیریٔ بازار سے بالائی علاقے بنجاڑ سر جانے والی جیپ نمبر ایل ایچ وائے 4816 ڈرائیور سے بے قابو ہوکر گہری کھائی میں جاگری جس میں تین افراد موقع پر ہی دم توڑ گئے جبکہ چار افراد زخمی ہوگئے ہیں۔ جاں بحق ہونے والوں میں بدیع الزمان ولد محمد جان، نور الامین ولد بدیع الزمان، فریابونہ ولد نور محمد جبکہ زخمیوں میں عطاء اللہ ولد فریابونہ ، قدر جہان ولد محمد صادق ، مسماۃ لیلوکو زوجہ نور الامین شامل ہیں۔