فیصل آباد، میلسی، کوئٹہ (ایجنسیاں+ نمائندہ خصوصی+ بیورو رپورٹ) ٹریفک حادثات میں ایک ہی خاندان کے 3 افراد سمیت 7 جاں بحق جبکہ ایک زخمی ہو گیا ۔میلسی کے قریب قومی شاہراہ پر تیز رفتار ٹرک اور کار میں تصادم کے نتیجے میں 3 افراد جاں بحق اور ایک شخص زخمی ہو گیا جسے ہسپتال منتقل کر دیا گیا۔ریسیکوحکام کے مطابق حادثے کا شکار ہونے والی کار میں ایک ہی خاندان کے افراد سوار تھے جن میں ماں اور اسکے 2 بیٹے جاں بحق ہو گئے جبکہ ٹرک ڈرائیور زخمی ہو گیا۔ فیصل آباد میں ڈی آئی خان کے ٹرک نمبر C-2987 سے موٹرسائیکل FDK-18-9615 کو تیزرفتاری کے باعث روند ڈالا جس کے نتیجہ میں موٹرسائیکل پر سوار اٹھارہ سالہ نعمت کالونی کا رہائشی علی رضا، 20سالہ محمد نبیل اور 16سالہ محمد عدیل بھی نعمت کالونی کے رہائشی حادثے میں جاں بحق ہو گئے۔ کوئٹہ میں کھڈ کوچہ میں تیز رفتار مسافر کوچ نے مدرسے کا طالب کو کچل دیا۔