اوکاڑہ: آزادامیدوار گدھا گاڑی پر کاغذات جمع کرانے کچہری پہنچ گیا
اوکاڑہ (نامہ نگار) آزاد امیدوار گدھا گاڑی پر سوار ہوکر کاغذات نامزدگی جمع کرانے کچہری پہنچ گیا۔ سینکڑوں لوگ محظوظ ہوتے رہے۔ پی پی کے حلقہ 184 سے آزاد حیثیت سے الیکشن لڑنے کا خواہش مند ناصر چوہان ایڈووکیٹ مزدور رہنماء کے طور پر آزاد حیثیت سے گدھا گاڑی پر سوار درجنوں ساتھیوں کے ہمراہ کاغذات نامزدگی جمع کرانے کچہری پہنچا تو دیکھنے والے لوگوں کا تانتا بندھ گیا۔
