کراچی (آئی این پی) پاک سرزمین پارٹی کے رہنما سینیٹرمحمد علی بروہی نے پیپلزپارٹی میں شمولیت کا اعلان کرتے ہوئے کہاکہ مجھے خوشی ہے کہ میں پیپلزپارٹی میں آزادانہ کارکن کی حیثیت سے شامل ہو رہا ہوں ۔اس موقع پرصدر پیپلزپارٹی کراچی سعید غنی کا کہنا تھا کہ 2018ء کے انتخابات کراچی کیلئے مختلف انتخابی نتائج کے حامل ہونگے۔ وہ سعید غنی، وقار مہدی اور راشدربانی کے ہمراہ مشترکہ پریس کانفرنس سے خطاب کر رہے تھے۔ پیپلز پارٹی کراچی کے صدر سعید غنی نے کہاکہ فاروق ستار کی جانب سے دھاندلیوں کا الزام لگانے کا جواب وہ خود دیں گے، شہر میں پہلی بار آزادنہ طریقے سے ووٹرز اپنا ووٹ کاسٹ کرسکیں گے، نگران حکومت انتخابات پر اثر انداز نہیں ہوسکتی۔